ШУТИС-ийн Механик тээврийн сургуулийн дэргэдэх Соёлын өвийн хадгалалт, хамгаалалт сургалт судалгааны төв Чингис хаан Үндэсний музей болон БНСУ-ын Гунжүгийн Үндэсний Их Сургуулийн хамтран зохион байгуулсан соёлын өвийн хадгалалт, хамгаалалтын мэргэжилтний чадавхыг бэхжүүлэх сургалт амжилттай зохион байгуулагдлаа.

Тус сургалт нь 2024 оны 8-р сарын 13-16-ний өдрүүдэд Чингис хаан Үндэсний музейн 7-р давхрын сургалтын танхимд зохион байгуулагдсан бөгөөд хөдөө орон нутгийн 22, нийслэлд үйл ажиллагаа явуулдаг 11 музейн сан хөмрөг, үзмэр, эд өлгийн зүйлийн хадгалалт, хамгаалалт хариуцсан 90 мэргэжилтнүүд соёлын өвийн хадгалалт, хамгаалалт, дижитал баримтжуулалт, сэргээн засварлалт зэрэг сэдвээр сургалтад хамрагдлаа.
Сургалтын сэдвийн тойм:

• Соёлын өвийн хадгалалт, хамгаалалтын философи, ёс зүй. (Профессор Жу Намчол)
• Музейн хадгалалт, хамгаалалтын орчин, био гэмтэл, эрсдэлүүд. (Ахлах куратор Со Миньсог)
•  Соёлын өвийн дижитал баримтжуулалт ба хэрэглээ. (Профессор Жу Ёнхүнь)
  
  

Сургалт нь соёлын өвийн хадгалалт, хамгаалалтын мэргэжилтнүүдийн чадавхийг бэхжүүлж, дижитал технологийн хэрэглээг өргөжүүлэхэд чиглэсэн юм.